Tokhang?

Bitbit ko na ang tikoy na matagal-tagal ko ring ipinangakong sa inyo’y dadalhin.
Pasensya na,
kung sa ngayon, eto lang ang madadala.
Sa susunod naman
kapag nakaluwag-luwag na’y,
asahang hindi lang ito ang matitikman niyo.
Isang dosenang tsokolate at prutas ang madadala ko sa inyo, inay at itay,
Lindsay, Abet, Nicolas.

Sabik na akong umuwi kaya naman kumaripas na ako ng takbo
Sa gitna ng magkakahilerang tahanang pinagtagpi-tagpi
at mga pawisang bata na maghapon atang nangalakal at nangalkal ng mga basura sa may batis sa ‘di kalayuan.

Habang papalapit ako sa aming tahana’y pansin ko na agad ang pulu-pulotong ng mga kapitbahay tila dumarami ata ang bilang sa bawat hakbang.
Bumigat ang aking puso dahil sa tahanan namin sila patungo.

Padaan! Tirahan namin ‘yan! Padaan! ‘Nay! ‘Tay! Lindsay! Abet! Nico!

Tumigil ang aking mga hakbang.
Kasabay ng pagtulo ng mabibigat na luha ay ang dahan-dahang pagbitaw ko sa kahon ng tikoy na kanina’y mahigpit ko pang hawak-hawak.

Binaha ng dugo ang lapag na dati’y lugar kung saan pinagsasaluhan namin ang tuyong madalas na hapunan.
Pinaligiran ng mga nagkalat na bala ang mga sulok kung saan madalas naming pinagkukumpol ang mga kalakal na nakolekta sa magdamag.
At ang banig kung saan kami nagbubulungan ng mga malalaking pangarap tuwing gabi, nagtatawanan sa mga problemang kinaharap namin sa maghapon at sa sumisikip na espasyo ng banig dahil sa paglobo ni bunso —
Sa banig na iyon ay nakahandusay ang kanilang mga bangkay.
Walang mga ngiti.
Walang mga pawis.
Walang mga ngiwi.
Hinahanap-hanap ko rin ang kaunting galit sa mukha ni inay.
Ngunit wala.
Wala.

Tokhang.
Tokhang.
Paulit-ulit ko itong naririnig sa pagitan ng aking mga hikbi.

Kinuha ko ang nakasilid na baril malapit sa paanan ni Itay.
Isang putok ang aking huling narinig.

#StoptheKillings  #StopEJK

Photo source: The Philippine Star

Advertisements

4 Comments Add yours

  1. renxkyoko says:

    Thank goodness there are Filipinos who are concerned about the killings.

    Liked by 1 person

    1. Angel says:

      But it is sad that many still do not believe that ejk is ineffective and actually anti-poor.

      Liked by 1 person

  2. may bali-balita na ang tokhang daw ay isang “death list” na syempre mariing pinabubulaanan ng mga @#$%

    Liked by 1 person

  3. Angel says:

    Yun nga po ee. 😦 Kapag nakalista na agad dun ay tinuturing ka na agad na kriminal. Wala ng siste-sistema.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s